مذيعة مصرية شهيرة تفقد النطق, تصدرت المذيعة المصرية أميمة بدري،خلال الساعات الأخيرة، منصات التواصل الاجتماعي عقب إعلانها عن فقدان النطق بشكل مفاجئ ودون أعراض مرضية.
وظهرت أميمة بدري، في مقطع فيديو على صفحتها في موقع “فيسبوك”،خلال الساعات القليلة الماضية، وعلامات الصدمة والخوف بادية على ملامحها وهي غير قادرة على النطق بشكل جيد وسليم.
المذيعة أميمة بدري
وقالت الإعلامية المصرية و ومراسلة الـ DMC أميمة بدري، في منشور أرفقته مع مقطع الفيديو، إنها فقدت النطق بسبب الحزن والكثير من الضغوط النفسية، مطالبة المتابعين بالدعاء لها.
صدمة نفسية وراء فقدان النطق
وأكدت أن فحوصات المستشفى كشفت عدم وجود جلطة، إلا أن ما حدث لها جاء نتيجة صدمة نفسية، مبينة أنها ستخضع لعلاج بالجلسات الكهربائية في الفترة المقبلة،موضحة بالقول:”الحمد لله رب العالمين على كل حاجة حصلت ليا.
أنا بكتب وأنا مش قادرة لأطمنكم أنا روحت المستشفى وعملت الأشعة المقطعية علي المخ الحمد لله مفيش جلطه بس للأسف فقدت النطق بسبب إني زعلت جامد ادعولي دعوة صادقة”.
مذيعة مصرية شهيرة تفقد النطق
وأضافت: “شكرًا لكل حد بيسأل وبيطمن عليا بس ده حالي وصوتي طلع حبه الصبح مكنش في أي صوت ولا حركة شفايفي ولسه تعبانه فمش عارفه ولا قادرة أتواصل قولت لاطمنكم بحالي هنا أسهل…دعواتكم والحمد لله علي كل شئ..بقولكم آسفه لكل حد بيسأل وبيطمن عليا بس مش عارفه أرد ادعوا لي أكون كويسه”.
وأكملت المذيعة المصرية أميمة بدري: “أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمة.
أنا دكتور كتبلي أدويه وقالي لازم أرتاح تماما وخلال 3 أيام لو مش أتحسنت ورجعت أتكلم هتابع مع دكتور أعصاب واعمل جلسات كهرباء لأعرف أتحسن ادعولي اعرف انطق تاني وارجع لحياتي”.
موقع عاجل بلس الإخباري
وكانت قد كتبت منشورًا تستغيث فيه في بداية صدمتها قائلة: “أنا محتاجة حد يساعدني أرجوكم أنا فجأة فقدت النطق مش عارفه أنطق ولا أتكلم وشفتي طبقت زي البكم والصم وصوتي مش طالع ومش قادرة أخد نفسي أنا خائفة ومش عارفه أعمل إيه أنا تعبانه جدا ومش قادرة أنا مخضوضة من اللي حصلي”.